தமிழ்

அறிமுகம் தேவையில்லை எனக்கு,
ஆதியிலே பிறந்து,
அகிலத்தின் முதன் மொழியென,
அடைமொழி பெற்றவள்!
ஆயிரமாயிரம் பாவலர்களால் அன்று,
ஆசிர்வதிக்கப்பட்டு,
அனேக பல கவிஞர்களால் இன்றும்,
ஆராதிக்கப்படுபவள்!
அமுதூறும் மழலையில் திளைத்து,
அன்னையின் தாலாட்டில் மகிழ்ந்து,
அலைபாயும் காற்றினில் மிதந்து,
அண்டமெங்கும் நிறைந்திருப்பவள்!
ஆச்சர்யம் யாதெனில்,
அரசியல்வாதிகள் பலர்,
அடம் பிடித்து போர்க்கொடி தூக்குகிறார்கள்,
அழிவிலிருந்து என்னை காப்பதற்காக,
அவர்களுக்கு தெரியுமா,
அழிவில்லை எனக்கென்று !!!